Binahagdan ako ng Diyos/a ng oportunidad na saluhan ang buhay sa iba pang mga nilalang... Nilikha, hinubog, at ipinagyabong -- yaring isang punong pinagtibay at damdami'y pinag-alab pa ng panahon.
Nakisangkot ako sa masalimuot, masaklap, ngunit, lubhang kay sagana ng buhay sa kasiyahan at kamalayan na hinayaan akong mamulat sa katotohanan ng mundong kinagagalawan.
Ang buhay ay naging paglalakbay, at sa ikalabingwalong taon, hindi ko mawari ako'y makaaalpas rito. Tapos na ang pagbubuhay-bata at pagbabatang-isip, ngunit hindi ibig sabihin ay hindi na ako pupwedeng makalasap ng pagkabata sa aking pakiramdam at kalakasan. Lalo pang paiigtingin ng karugtong na pahina ang paglipad ng imahinasyon na papailanlang hanggang sa kaibuturan ng tao at sa kanyang sarili; ang panahon ng tunay na pagtuklas ng aking sarili sa iba't ibang aspekto ng buhay...
Sa mga nakisangkot sa aking buhay, sa Kanya, at sa inyo/iyo maraming salamat.
Padayon sa kariktan at kadalisayan ng buhay!
Akin ko na ring nakaagapay ang panahon ng paglalabingwalo.
Subscribe to:
Post Comments (Atom)
No comments:
Post a Comment